Bagong Commander ng Light Armor Division Itinalaga

                       Kampo O’Donnell, Capas, Tarlac – Isa sa mga pangunahing yunit sa Sandatahang Lakas ng Pilipinas ang Light Armor Division. Noong ika 22-ng Mayo 2010, isang bagong pinuno ang itinilaga bago pa man ang inaasahang pagtatalaga ng ibat-ibang mamumuno sa pagsasaayos ng organisasasyon sa Hukbong Katihan ng Pilipinas sa pamamalakad ng bagong administrasyon sa susunod na buwan.

          Si LTGEN REYNALDO B MAPAGU AFP, Hepe ng Hukbong Katihan ng Pilipinas ay naging Presiding Officer sa ginanap na Turn Over of Command na ginanap sa Camp O’Donnell Capas, Tarlac sa pagitan nila MGEN SAMUEL D NARCISE,AFP ang paalis na Commander at BGEN CARLOS E LUCES AFP, Assistant Division Commander at siya ring pumalit bilang bagong Commander ng light armor Division.

          Ang bagong itinalaga na Commander ng LAD na si BGEN LUCES ay kabilang sa Philippine Military Academy (PMA) Class of 1979, ang pinalitang si MGEN NARCISE naman ay mula sa PMA Class ‘76, na nagpaalam na sa serbisyo dahil narating na niya ang mandatory retirement age na 56. Ang nasabing command turnover ay alinsunod lamang sa nakasaad sa batas bilang kasunod na pinuno dahil na  rin sa pagreretiro  ni MGEN NARCISE sa serbisyo.  Ayon kasi sa batas ng COMELEC na mayroong election ban on appointments, kaya si BGEN LUCES ay itinalaga pa lamang bilang pansamantalang Commander at magiging permanente lamang ito  pagkatapos ng nasabing election ban sa susunod na buwan.

           Sa talumpati ni Gen. Luces bilang bagong luklok na Acting Commander ng Light Armor Division, pinasalamatan niya ang lahat ng taong nasa likod ng kanyang tagumpay, ang mga kasundaluhan, mga matataas na pinuno at higit sa lahat ang kanyang pamilya. Sa pagtatapos ng kanyang talumpati, ipinangako din niya na ipagpapatuloy at lalo pang pag-iibayuhin ang mga magandang nasimulan at iniwang proyekto kaakibat ng mabuting pamamalakad ng napalitang Commander.

Sa kanyang mga idinagdag na bagong tuntunin, kabilang dito ay ang pagpapaigting ng matibay na pundasyon at pagbibigay halaga sa maayos na relasyon sa pamilya sa lahat ng kasundaluhan. Pagsasa-ayos at muling pagpapatupad ng Military Livelihood Enhancment Program na siyang mapapakinabangan ng mga kasundaluhan sampu ng kanilang pamilya. Higit sa lahat ay ang patuloy na pagpapataas ng operational readinessng Division upang lalong maging makabuluhan ang paglilingkod sa bayan.